每集勁歌都以玩人為主﹐就連陳慧嫻都唔例外﹐一樣照請她的男友ＭｉｃｈａｅｌＣｈｅｕｎｇ任嘉賓﹐扮兔仔（著住兔仔衫）嚇她一跳。
慧嫻見到男友‘兔身人面’不禁一笑﹐甜蜜心情盡現﹐男友更跪地送花﹐使她到暈。及後﹐慧嫻甜笑表示男友是怕熱之人﹐見到他犧牲色相都感到愕然﹐而且Ｍｉｃｈａｅｌ任職廣告﹐並非圈中人﹐肯為她犧牲色相﹐令慧嫻好開心。
當Ｍｉｃｈａｅｌ跪地送花時﹐台下Ｆａｎｓ大叫求婚﹐慧嫻坦言聽唔到﹐如果男友即時向她求婚﹐慧嫻諗一諗後﹐笑得尷尬道﹕‘有續集先求過啦。’（咩續集呀﹖）笑而不答。慧嫻形容雙方冇協議過幾時結婚﹐大家都為事業搏殺﹐雖然男友閒時提過結婚﹐仍是放事業在第一位﹐相信要多等一段日子。年紀漸大的慧嫻﹐對做高齡產婦﹐她完全唔抗拒﹐最重要睇婚後﹐仲生唔生得出。至於已認定Ｍｉｃｈａｅｌ做老公﹐她笑言﹕‘未到Ｌａｓｔｍｉｎｕｔｅ都唔肯定﹐唔知有咩發生﹐順其自然啦。’ 1999-05-01
