昨天陳慧嫻出席港台《第四屆傑青設計師》前奏記者會﹐會上她即席度ＰＡＴＰＡＴ﹐因為是她感到最驕傲的部位﹐代表好生養﹐自己喜歡吃東西﹐又懂得去做運動﹐所以不想去量度。她笑笑口說﹕「唔好度腰啦﹐食飽飯﹗」
其實她並非最滿意臀部﹐只是講笑而已﹐笑言反而最滿意個頭﹐覺得最好﹑最完美﹐呎數最適中。問到她對身材是否滿意呢﹖她笑說﹕「不滿意﹐如果重新出世會生好一﹐希望自己有五呎六吋﹐仲要有較剪腰﹐自己唔屬於葫蘆形身材﹗」慧嫻自言唔抵﹐以前纖瘦時興肥型﹐至今又盛行全瘦呢﹗問到她會否羨慕一些大胸脯的女孩子﹖她立刻說﹕「有乜好﹗追巴士好辛苦﹐因為身材阻風嘛﹐雖然我唔搭巴士﹐但同人追的士都追唔到啦﹗如果我同人爭的士都會爭贏﹐加上我係中學田徑好手﹐又有順風順水﹐身形肯定可以爭得贏啦﹗」 另外﹐她的唱片尚未面世﹐但新歌《正視愛》及《甚麼都想要》隨即被盜版商收錄於精選唱片內﹐慧嫻亦表示無可奈何﹐惟有聽天由命﹐希望在唱片封套上可以吸引到消費者﹐此事沒有影響到她的心情呢﹗1999-05-11
